Апас районы Тутай авылында гомер итүче Нуриев Марат Гани улы 22 сентябрьдә күркәм юбилеен билгеләп уза

Кадерле тормыш иптәшем, әтиебез! Сине юбилеең белән ихлас күңелдән кайнар котлыйбыз! Көчле рухлы һәм кешелекле, юмарт һәм ярдәмчел, бәхетле һәм сәламәт бул! Уй-теләкләрең тиң, туар таңнарың тыныч, саулыгың ныклы, гомерең бәхетле булсын!
Авырмый, кайгы-хәсрәт күрми, озын гомер итүеңне, гаилә шатлыгы, якыннарыңның игелеген күреп мул тормышта яшәвеңне Ходай насыйп итсен.
Син булганда без бәхетле,
Синең белән якты көнебез.
Безнең белән син дә бәхетле бул,
Сиңа озын-озак гомер телибез.
Иң изге теләкләр белән тормыш иптәшең Флидә, кызларын Сөмбел, Диана.