Апас урта мәктәбендә озак еллар башлангыч сыйныфлар укытучысы булып эшләүче Галәветдинова Алия Шакур кызы 13 июньдә туган көнен каршылый
Алия Шакуровна! Сезне гомер бәйрәмегез – 55 яшьлек юбилеегыз белән чын күңелдән котлыйбыз.
Мөгәллимнең үрнәк өлгесе Сез,
Төгәл, пөхтә, күркәм, сөйкемле.
Хатын – кызның бөтен гүзәллеген,
Сезгә җыеп биргән шикелле.
Тирән белемле, кызыксынучан, үз эшегезгә бирелгән, тырыш һәм таләпчән булуыгыз өчен укучылар да, укытучылар да, әти-әниләр дә үз итәләр Сезне. Туры сүзле һәм ярдәмчел булуыгыз, зур ихтыяр көче белән эшләвегез сезне характерлаучы сызыкларның әһәмиятлеләре булып тора. Изге сыйфатларны үзегезгә мулдан җыйган, коллектив, ата-аналар ихтирамын казанып, һәр мизгелне кабатланмас җыр итеп яшәвегезгә без сокланабыз. Сезгә исәнлек-саулык, бәхет-шатлык, озын гомер, балаларыгызның игелеген күреп, олы куанычлар белән яшәвегезне, тигез, бәхетле гаилә тормышы, эшегездә яңадан-яңа уңышларга ирешүегезне теләп калабыз.
Олы хөрмәт белән – Апас урта мәктәбе коллективы, профсоюз оешмасы һәм башлангыч сыйныф укытучылары.
Нет комментариев