Апаста яшәүче кадерле әтиебез Зәйнуллин Җәүдәт Әсәдулла улының 30нчы октябрьдә 80 яшьлек юбилее

Гомере намуслы хезмәттә үткән әтиебез барыбызны да кайгыртып яши, безнең өчен гаделлек үрнәге булып тора.

Кешелекле, киң күңелле әтиебез! Сине чын күңелдән бәйрәмең белән котлыйбыз. Сиңа киләчәктә дә саулык-сәламәтлек, озын гомер, кайгы хәсрәтсез имин көннәр телибез.Гомер көзләреңне тынычлыкта,  әни белән тигезлектә, безнең өчен сөенеп, балаларыңның, оныкларыңның  игелеген күреп яшәргә насыйп итсен.

Йөрәгеңнең киңлегенә

Сыйганбыз барыбыз да

Без бәхетле синдәй кеше

Булганга яныбызда.

Син бар чакта, безгә рәхәт,

Балкып тора өй эче.

Тормышны сөеп яшәргә

Сүнмәсен, әти, көчең.

Иң изге теләкләр белән – балаларың Гөлфизә, Таһир-Гөлфизә, Зөлфия-Азат, Азат-Эльмира, Гөлия-Фәнис, балаларыбыз, оныкларыбыз. Бу теләкләргә әниебез Маһинур да кушыла.