Борынгы бабаларыбызның ислам динен кабул итүенә – 1100 ел.

Әлеге вакыйга Илебез, халкыбыз өчен зур тарихи әһәмияткә ия. 922 елда Идел буе Болгар дәүләтендә ислам динен дәүләт дине буларак кабул ителә. Республикабызда, шул исәптән яшәгән төбәгебездә дә традицион конфессияләре арасында диалогка, төрле милләт һәм дин вәкилләренең тату яшәве өчен уңайлы шартлар тудыруга зур игътибар бирелә. Бай мәдәни һәм тарихи мирасыбызны, традицион рухи кыйммәтләрне саклап, ислам дөньясының кануннарын үтәп яшәргә омтылсак иде. Районда узачак чаралар да милләтара, динара дуслыкка, бердәмлеккә юнәлдерелгән. Барыгызга да сәламәтлек, иминлек, күңел тынычлыгы, рух ныклыгы телим.
Айрат Җиһаншин, муниципаль район башлыгы.