Апас туристлар Мәккәсе булырга җыена

Район үзәк музее директоры Рәмис Ногманов хәбәр иткәнчә, май ае башында Апасыбыз белән танышу өчен махсус автобуслар белән Казаннан беренче туристлар партиясе килү көтелә. Барлык килештерү эшләре төгәлләнгән инде. Казан туристлары сәяхәте соңгы елларда шактый төзекләнгән район үзәге белән танышудан башланачак. Аларны «Грант-Тау» дәүләт тыюлыгы, музейлар, елга-күлләр, авыл хуҗалыгы обьектлары, Җиде Кизләү чишмәләр каскады белән таныштыру шулай ук экскурсия маршрутына кертелгән. 22 апрельдә Апас мәктәбендә җирле таныштыру һәм агротуризм проблемаларына кагылышлы фәнни-гамәли конференциядә бу тармакны киң җәелдерү юллары өйрәнелде.