Апас усак-юкәләрен Алабугада көтәләр

Татарстан җитәкчелеге урманчылыкны табышлы тармакка әверелдерү буенча нәтиҗәле эш башлады. Россиядә тиңнәре булмаган Алабуга ирекле сәнәгать зонасында Европа, дөнья стандартлары буенча төзелгән яңа завод беренче продукция чыгарды. Сортсыз һәм картайган, бүрәнә-брус-тактага ярамаучы йомшак сортлы усак-юкә агачларын ваклап, төзелеш ДСП, ДВП, МДС плита-модульле стена блоклары җитештерү заводы белгечләре Апас, Буа урманнарын да карап чыккан. Буа урман хуҗалыгы җитәкчесе Илнар Гатауллин әйтүенчә, безнең яклардан завод ихтыяҗлары өчен 7 мең кубометр шундый чимал әзерләү мөмкинлеге өйрәнелә.