Апаслылар котларга онытмагыз: бүген әбиләр һәм бабайлар көне!

Бүген без иң якын кешеләребезне - әбиләребезне һәм бабайларыбызны бәйрәм белән котлыйбыз. Ата-аналар белән берлектә алар балага гаҗәеп дөнья серләренә төшенергә ярдәм итәләр. Әти-әни аңламаганда да алар безне күбрәк аңлыйлар.

Хәзер бит балаларны алар ярдәменнән башка үстереп тә булмый диярлек. Авырып китсә дә, баланы калдырып чыгасы булса да тизрәк алар янына йөгерәбез. Әйдәгез, оныклар, оныкчыклар, әти-әниләр әби-бабаларыбызны, әти-әниләребезне котлыйк әле! Аларга исәнлек-саулык, озак яшәүләрен телик!