Апаста 6 сайлау участогында электрон тавыш бирәләр

Апас районының 6 сайлау участогында - Колгына, Кече Күккүз, Идрәз, Коштавылы, Танай-Турай, Түбән Барыш авылларында электрон тавыш бирү бара. Халык көндәлек мәшәкатьләргә чумганчы ук сайлау участокларына килергә тырыша. Һәрбер сайлаучы чәй өстәле янында урын ала. Алар өчен сайлау очрашу, аралашу чарасы да. Рәзинә Вәлиәхмәтова сайлауга тәүге тапкыр килгән. Бу көн аның өчен аеруча да истәлекле. Аңа Татарстан Республикасы Конституциясе бүләк ителде.

Районның территориаль сайлау комиссиясеннән хәбәр итүләренчә, иртәнге сәгать унга Идрәз сайлау участогында 145 кешенең 102се тавыш биргән. Электрон тавыш бирүчеләр арасында Танай-Турай сайлаучылары активлык күрсәтә.