Апаста ДНД эше

2000 елда Татарстанда иң беренче булып ДНД - ирекле халык дружинасы яңартылу һәм инде 14 ел даими эшләп килүе белән Апас ДНД район штабы җитәкчесе, яше инде 80 ягына алышкан, эш башында торучы аксакал Рәшит ага Шәйхиев бик хаклы горурлана.

- Кулларында рәсми таныклыклары булган 180 кешелек бердәм командага иң көчле, җаваплы апаслылар тупланды, - ди ул.

-Районның 22 авыл җирлегендә 6 шар кешелек җирле дружиналар эшеннән мин канәгать. Район үзәге Апаста, авылларда кичләрен урамнарда, җәмәгать урыннарында тәртип саклаучы ирекле халык друҗинасында 62, Каратун авыл җирлегендә 12 даими дружиначы исәпләнә.