Апаста терроризмга һәм экстремизмга каршы көрәш атналыгы башланды

3 сентябрь - терроризмга каршы көрәштә бердәмлек көне. Әлеге замана афәтләренә каршы ай дәвамында чаралар үтәчәк. "Райондагы милләтара дуслыкны тагын да ныгыту, төрле профилактик чаралар оештыру, халык белән очрашулар үткәрү, балалар арасында әңгәмәләр уздыру айлыкның төп максаты. 3 сентябрьдән 30 сентябрьгә кадәр үтәчәк чаралар планы күпкырлы", - диде коррупциягә каршы көрәш буенча район башлыгы ярдәмчесе Илгизәр Фәхретдинов. Иң беренчеләрдән булып Морзалар урта мәктәбендә терроризмга каршы көрәш буенча ачык дәресләр узды.