Автобусның яңасы әйбәтрәк

-Бүген районда 12 мәктәп автобусы исәпләнә. Аларның һәркайсы "ГЛОНАСС-112 навигация системасы белән җиһазландырылган. Укучылар җәйге каникулга таралышкач шоферлар да ял итеп алды. Яңа уку сезонына яхшылап әзерләнү-безнең бүгенге төп бурыч-ди район автотранспорт предприятиесе җитәкчесе Рамил Нәҗмиев.

Гомумән алганда, Татарстанда 600 мәктәп автобусы исәпләнә, шуларның 100 е быел сатып алынган. Апас мәктәп автобуслар паркындагы, иң "карт" автобус 2005 елгы, калганнары да шактый тузган. Татарстан һәм район җитәкчелеге хәзер аларның зур өлешен яңарту турында уйлана. Татарстан хөкүмәте йортында юл хәрәкәте иминлеге ведомствоара даими комиссия утырышында шул хакта фикер алышу узды.