Берни булмас әле димәгез...

Идрәз авылында туып-үскән, хәзер Казанда яшәүче берәү иртән "тимер аты" янына килсә, эш харап, аның ишекләре каерылган, салондагы әйберләре "аякланган".

- Тикшерү ачыклаганча, машинаның сигнализациясе берни "сизмәгән", ишекләре дә ныгытып бикләнгән булган. Тик аның хуҗасы күрәсең, "Берни булмас әле..." мантыйгы буенча уйлап, аны түләүле, саклана торган тукталу урынына куймаган. Ә төнгә йорт янында күзәтүсез калдырылган машинадагы 13 мең сум бәяләнүче әйберләр кемнеңдер күзен "кыздырган", күрәсең..., - дип хәбәр итә район полициясе җитәкчесе урынбасары Фәнис Хәялиев.

Якташыбызның машинасына җитди зыян салучыны эзлиләр...