Дәвеш чишмәсе чистартылды

Дәвешнең Камыш үзәк чишмәсен чистарттык, - ди авыл җирлеге башлыгы Таһир Хөсәенов.- Авылга Зөя аша 2 километр җир астыннан килүче бу чишмә юлы кулдан ярты гасыр элек казылган булган, суы бик тәмле аның. Мәчетебез имамы Хәлимҗан Гыймадиев, Рамил һәм Илдус, Илгиз Гыймадиевлар, Илфат Җамалиев, Габбас Халиков бу эштә бик актив булдылар. Авылыбыз кияве, эшмәкәр Азат Әхмәдуллин чишмә чыгышына батырылган яңа бурага торбалар куйганда булышты. Барыгызга да зур рәхмәт, авылдашлар!