Рәнҗемәсләрме?!

8 май көнне район Сабан туе мәйданына килгән һәркемне Батырлар Мемориаль комплексының күчерелмәсе һәм кояшта балкыган чәчкәләр каршы алды. Ләкин кунаклар арасында туң йөрәклеләр, вәхшиләр дә булган икән. Бүгенге тыныч тормышыбыз өчен яу кырында башларын салган райондашларыбызның рухларын рәнҗетүдән дә курыкмыйча, көпә-көндез мәйдандагы шул чәчәкләрне урлап алып китәргә дә намуслары җиткән бит. Батырлар рухына дога кылып, күпме тир түгеп, көч куеп эшләнгән хезмәтне бәяләп, кешечә яшисе иде...