Исәннәрнең кадерен бел...

15 февральдә Апаста Совет гаскәрләрен Әфганстаннан чыгаруның 23 еллыгы билгеләп үтелде. Район хакимиятенең утырышлар залында үткән бу чарада район башлыгы, барлык оешма-учреждениеләрнең җитәкче-белгечләре катнашты. Әфганчылар һәм хәрби хәрәкәтләрдә катнашучыларның район оешмасы җитәкчесе Михаил Безруков вазифасыннан азат ителде. Оешма җитәкчесе итеп хәрби хезмәт юлын Әфганстанда үткән Апас аграр көллияте директоры Фаил Курамшин сайланды. Батырлар мемориаль комплексына чәчәкләр куелды. Соңыннан әфганчыларны, хәрби хәрәкәттә катнашкан кичәге солдатларны Апас ресторанына чәй табынына чакырдылар.