Киңәшле эш таркалмый

Традицион җомга киңәшмәсен район башлыгы урынбасары Гөлчәчәк Мәүлетова алып барды. Биредә сак хезмәтен көчәйтү, су башняларын җылыту темасына аерым урын бирелде. Тирә-якта оешмалардан әйбер урлау фактлары арткан.

Шуңа да сак хезмәтләренә таләп зур булырга тиеш. Авыл җирлекләре башлыклары су башняларын җылытуны да кичекмәстән башкарырга тиешләр. 1 декабрьгә чыршыларны бизәү, Бөек Җиңүнең 70 еллыгы уңаеннан авылларда "Моңнар кайтсын авылга" фестивален башларга кирәклеге турында да сүз булды. Киңәшмә ахырында сайлауларда актив катнашучылар бүләкләнде.