Китап язарлык язмышлар

Бөек Җиңүнең 70 еллыгы уңаеннан, Апас туган якны өйрәнү музеенда сугыш чоры балалары хакында язмалар туплана башлады. 1928 елдан башлап, 1945 елның 9 маена кадәрге чорда үскән райондашларыбыз хакында һәркем язып юллый ала. Күпме язмыш, ничәмә-ничә гаилә тормышы, ул чорда күргән газаплар, югалтулар һәм шулай ук истәлекле мизгелләрне дә кертеп, үзегез, әти-әниләрегез, әби-бабайларыгыз, күрше-күләннәрегез турындагы күңел хисләрегезне ак кәгазь битенә төшерегез. Әлеге язмаларны 70 еллык Җиңү язына китап итеп чыгару күздә тотыла.