Кормаш янындагы умарталыкта янгын чыккан

29 октябрьдә төштән соң районның янгын сүндерү бүлегенә Кормаш авылы янындагы умарталык януы турында хәбәр керә. Ашыгыч төркем 6 минут эчендә вакыйга булган урынга барып җитә. Тик, бу вакытта агач йорт янып беткән була инде. Әлеге умарталык урман читендә булу сәбәпле, янгынны төнлә күрүче булмаган һәм нәтиҗәсе дә аяныч. Янгын сүндерүчеләр быел ут төртеп яндыру очраклары артуын һәм бу янгынның да кеше шаяруы белән бәйле булырга мөмкинлеген белдерәләр. Әлеге факт буенча җинаять эше кузгатылган, тикшерү эшләре дәвам итә.