ТОРАКЛЫ БУЛУ ЗУР БӘХЕТ

ТР Премьер-министры Илдар Халиков торак төзелеше мәсьәләләренә багышланган чираттагы видеоконференция үткәрде. Республикада 1 миллион 626 мең квадрат метрдан артыграк торак төзелгән. Шәһәрләрдә һәм муниципаль районнарда соципотека программасы буенча, Бөек Ватан сугышы ветераннары өчен торак төзү ахырына якынлаша. Апас районында төзелеш объектларында эшләр расланган график нигезендә алып барыла. Бүгенге көндә 18 фатирлы ике йорт, 2 шәхси йорт төзелеп килә. Видеоконференция ахырында район башлыгы Рәшид Заһидуллин төрле тармак белгечләре катнашында әлеге темага йомгак ясады.