Районыгыз матур, халкыгыз кунакчыл икән

Район башлыгы Рәшид Заһидуллин Төркиядән килгән кунак Ибраһим Бөеккә Рәхмәт хаты тапшырды. "Халкыбыз мәнфәгатьләрендә күпкырлы игелекле эшчәнлегегез, аның рухи-әхлакый яңарышына, гореф-гадәтләрен торгызуга, республикабызда яшәүчеләр арасында дини һәм милли татулыкны, хезмәттәшлекне ныгыту эшенә зур өлеш кертүегез өчен ихлас рәхмәт ", - диелгән әлеге хатта. Ибраһим Бөек Рамазан аенда узган ифтар мәҗлесләрендә катнашты, Коръән сүрәләре укыды, догалар кылды, вәгазьләр сөйләде. Ул район тормышы белән якыннан танышып, халкыбызның кунакчыллыгына, районыбызның төзеклегенә, табыннарның муллыгына таң калуын белдерде.