Апастово-информ

Апас районы

18+
Рус Тат
2024 - год Семьи
Җәмгыять

Кем лаек – шуны сайлаячаклар

16 мартта Татарстан Диния Назарәтендә Татарстан мөфтиен сайлау, аңа кандидатлар күрсәтү һәм теркәүгә бәйле Корылтай-Пленумда районыбыз мөхтәсибе Мирхәт хәзрәт Җамалиев та катнашты. Мәгълүм булганча, Татарстан мөфтие вазифасына 4 дин эшлеклесе дәгъва кыла. Шуларның берсе - Камил Сәмигуллин 18 мартта Апаска килде һәм район хакимиятенең зур утырышлар залында авыл мәчетләре имам-хатиблары...

16 мартта Татарстан Диния Назарәтендә Татарстан мөфтиен сайлау, аңа кандидатлар күрсәтү һәм теркәүгә бәйле Корылтай-Пленумда районыбыз мөхтәсибе Мирхәт хәзрәт Җамалиев та катнашты. Мәгълүм булганча, Татарстан мөфтие вазифасына 4 дин эшлеклесе дәгъва кыла. Шуларның берсе - Камил Сәмигуллин 18 мартта Апаска килде һәм район хакимиятенең зур утырышлар залында авыл мәчетләре имам-хатиблары белән очрашты. Авыл муллалары аңа үзләрен борчыган сорауларын бирделәр һәм гади, аңлаешлы җаваплар алдылар. Казан кунагы аларны үзенең сайлау алды платформасы, Татарстан Дини Назарәте алдындагы бурычлар белән дә таныштырды.

- Татарстанда бүген 1200дән артык мәхәллә исәпләнә, безнең районда алар 53, - диде үз чыгышында район мөхтәсибе Мирхәт хәзрәт. - Корылтайда кабул ителгән уртак фикер буенча, Татарстанның яңа мөфтиен сайлау Пленумында һәр 5 мәхәлләдән берәр вәкил исәбеннән Апас районыннан иң әзерлекле һәм укымышлы 10 вәкил-сайлаучы катнашачак дип килешенде. Корылтайның Казанда 17 апрельдә үтүе фаразлана.

Дәгъвачының район мәхәлләләре имам-хатиблары белән очрашуында шулай ук район башлыгы урынбасары Гөлчәчәк Мәүлетова, район башкарма комитеты җитәкчесе урынбасары Ранис Әхмәтшин, район Советы аппараты җитәкчесе Алмаз Сабирҗанов һәм авыл җирлекләре башлыклары катнашты.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: сайлау