Тездән генә булса да суга ышанма?!.

Районга кече елга суднолары федераль хезмәтенең Кама Тамагы участок инспекциясе вәкилләре Илһам Вәлиев белән Татьяна Агибалова килде. Алар сулыкларда кулланылучы моторлы көймәләр, су ресурсларыннан дөрес файдалану, су коену урыннары белән кызыксындылар һәм таләп-кагыйдәләрнең үтәлеше белән таныштылар. «Зөя» балалар ял-сәламәтләндерү үзәгендә ял итүчеләр очрашып буклетлар тараттылар. Районда быел шөкер, суга батып фаҗигагә очраучылар булмады-тикшерүчеләр моны уңай бәяләделәр. Зөядә, буа-күлләрдә көймә белән тәртипсезләнеп йөрүчеләр дә юк. Мәктәпләрдә укулар башлангач инспекторлар район мәктәпләрендә дә булып, балалар, аларның әти-әниләре, җитәкчеләр белән тагын бер кат очрашачак.