Безгә монда эшлисе

Районның гадәттән тыш хәлләр һәм гражданнар иминлеге идарәсе, 106нчы янгын часте коллективы узган шимбәдә район үзәгендә үткәрелгән гомумхалык өмәсендә бик актив катнаштылар. Бу коллективка Апасның Садри Җәләл урамы беркетелгән. Дус һәм бердәм коллектив көче белән ул шактый пөхтәләнде, урам баганалары агартылды. Үзләре эшләгән территория дә бик чиста. Идарә каршындагы брусчатка җәелгән тротуарлар көн саен чистартыла. Сез рәсемдә күргән янгынчылар:

- Яшәгән өең, эшләгән урының чиста, пөхтә булырга тиеш, - диләр.