Туристлар Татарстанны ярата

(1 август, “Апастово-информ”).

Республикага килгән туристларның күбесе кабат килүчеләр. Чөнки, бер тапкыр килгәндә, барлык матур урыннарны да карап өлгерә алмыйлар.

“Без килгән туристларның фикерләрен өйрәнәбез. Аларның мондагы чисталык, пөхтәлек, матур инфраструктура турында фикерләрен кызыксынып укыйбыз. Туристларның 60 проценты икенче тапкыр килә безгә”, - диде Андрей Кузьмин белән әңгәмәсендә туризм буенча Татарстан Дәүләт комитеты председетале Сергей Иванов.

Киләчәктә “Бөек Идел юлы” проекты гамәлгә кергәч, туристларның санын тагын да арттырып булачак. Шулай ук, әйләнеп килүче туристны булдырабыз, дигән фикер әйтте Иванов.
Казанга элек бер дә килмәгәннәр килә хәзер. Араларында элек Европага һәм башка чит илләргә йөргәннәр күп. Татарстан туристларының яртысыннан артыгы - кабат килүчеләр.