Укучыларның эше фәнни җыентыкка кертелде

Буа шәһәрендә республиканың Мәгариф һәм фән министрлыгы, Язучылар берлеге союзы, район Советы, район мәгариф идарәсе катнашында узган "Киләчәге бар милләт без, шәхесләргә бай милләт без" II республикакүләм фәнни-гамәли конференциядә 8 сыйныф укучысы Энҗе Гафарова (җитәкчесе Сәвия Тимершина) үзенең "Ил язмышы - ир язмышы" исемле эзләнү эше белән катнашып, III дәрәҗә дипломга лаек булды. Ә Табар-Черкене урта мәктәбенең 9 сыйныф укучысы Инзилә Фәррахованың "Талантлы син, кеше туганым!" исемле эше (җит. Алия Борһанетдинова) сертификат белән бәяләнде. Укучыларның эше фәнни укуларга багышланган җыентыкка кертелде.