Яңа тормыш юлына район башлыгы фатихасы белән

Яңа урнашкан традиция буенча, гаилә корып авылда яшәргә, туган якларында хезмәт итәргә карар иткән яшь парларга хәзер район башлыгының котлавы һәм бүләге тапшырыла. Яшь кияү, кәләшне ЗАГСка район башлыгы машинасында барып алу да район тарихының чираттагы яңа бер сәхифәсе дип кабул ителде. 15 июльдә хакимият бинасының кече утырышлар залында чираттагы истәлекле вакыйга үтте. Әлмәндәр егете Фәһим белән Санкт-Петербургтан Марина Гыйлаҗевлар яшь гаиләсе теркәлде. Аларга район башлыгының Котлау хатын һәм истәлекле бүләген район хакиме урынбасары Гөлчәчәк Мәүлетова тапшырды һәм матур теләкләрен җиткерде.