Якташыбыз Роберт Миңнегалиев Татарстан Президенты ярдәмчесе итеп билгеләнгән

"Ак Барс" банкының идарә рәисе Роберт Миңнегалиев үз вазифасыннан китә. Ул хәзер штаттан тыш нигездә Татарстан Президенты ярдәмчесе булып эшләячәк.

Миңнегалиев Роберт Хәмит улы 1972 елның 5 июлендә Апас районында туган. Казан финанс-икътисад институтын, Чикаго университетының Югары бизнес мәктәбен тәмамлаган (2007).

1993-1996 елларда Казан сөт комбинатында эшләгән. 1996-1997 елларда - ТР Финанс министрлыгының банклар һәм бюджеттан тыш фондлар белән эшләү бүлеге башлыгы. 1997-1998 елларда - шул ук министрлыкның максатчан фондлар белән идарә итү департаменты җитәкчесе.

1998-2003 елларда - финанс министрының беренче урынбасары - Финанс министрлыгының Казначылык департаменты директоры.

2003 елның апреленнән - "Ак Барс" банкының идарә рәисе.

Чыганак:intertat.ru.