Апаста көн дәвамында төрле спорт чаралары уза

(12 август, “Апастово-информ”).

Үзәк ял паркында да шат авазлар яңгырап торды. Биредә апаслылар күңелле флешмоб-зарядка ясадылар, спорт уеннарында, төрле квестларда катнаштылар. Өлкәннәр скандинавия йөрешендә көч сынашты. Кайберәүләр ГТО нормативларын тапшырды.
Физкультурачылар һәм халыкара яшьләр көне уңаеннан узган чарага килүчеләрне район башкарма комитеты җитәкчесе урынбасары Гөлүсә Галләмова сәламләде.
“Сәламәт булыгыз. Спорт белән даими шөгыльләнегез. Күңел күтәренкелеге телим”, - диде ул.
Җиңүчеләргә истәлекле бүләкләргә ия булдылар. Скандинавия йөреше буенча да иң җитезләр ачыкланды.