“Эшлекле тәкъдим” – Апаста

Шушы көннәрдә район электр челтәрләрендә Татарстанның «Челтәрләр компаниясе»ннән компания җитәкчесе Илшат Фәрдиев, урынбасарлары Азат Мәҗитов, Наталья Назарова, Илдус Баянов, Буа электр челтәрләре һәм шулай ук 8 район электр челтәрләре җитәкчеләре катнашында семинар-киңәшмә булды.

- Үрнәк алырлык яңалыклар бик күп биредә. Апаслыларның «Эшлекле тәкъдим» алымын исә бөтен республикага таратачакбыз һәм һичшиксез кулланачакбыз. Гомумән дә, Айрат Җиһаншин җитәкчелегендәге Апас энергетикларының энергия һәм чыгымнарны янга калдыручы инновацияле технологияләргә омтылулары күпләр өчен өлге, - диде киңәшмә барышында Илшат Фәрдиев.

Семинарга килүчеләр биредәге эш тәртибе, барышы белән таныштылар, фикерләрен җиткерделәр, кызыксындырган сорауларына җаваплар алдылар.