Район башлыгының кубогы Ранис һәм Ләйсән кулында

"Дулкын" бассейнында район башлыгы кубогына йөзү буенча ярышлар узды. Ярыш район башлыгы тәкъдиме белән өченче ел уздырыла. Биредә егет-кызлар бик теләп катнаша. Егетләр арасында кубокны быел да Апас егете Ранис Сафиуллин алды. Өченче ел рәттән җиңү Ранис кулында булганлыктан, кубок та анарда калды. Кызлар арасында исә иң җитезе булып Ләйсән Зәмдиханова танылды. Барлык җиңүчеләргә бүләкләр һәм Мактау грамоталары тапшырылды. Ярыш барышы белән район башлыгы Рәшид Заһидуллин да танышты һәм спортчыларга уңышлар теләде.