Юбилеегыз белән!

Көз моңсу булса да, аның табигате бик матур, төрле төсләргә бизәлгән яфрак бураннары гына да ни тора. Табыннар мул, күңелләр көр... Елның шушындый матур мизгелендә, 5 сентябрьдә, безнең өчен кадерле булган газиз әниебез Хәйруллина Талия Миңнулла кызы дөньяга килгән. Быел ул 75 яшьлек матур юбилеен каршылый.

Кадерле, сөйкемле әнкәебез! Без - алты балаңа гомер биреп, гел уңай сыйфатларга гына өйрәтеп, назлы карашларың белән сөеп, җил-давыл тидерми генә канат астыңа җыеп үстергәнең өчен мең рәхмәт сиңа. Барыбызны да олы тормыш юлына чыгарып, бүген дә һәркайсыбыз өчен хәер-фатыйхада торасың. Кайтсак-китсәк нурлы йөзең белән каршы аласың, тәмле сыең белән сыйлап, күчтәнәчләрең белән озатып каласың. Киләчәктә дә, әни, сәламәтлеккә туенып, безне һәрчак үз аякларың белән каршы ала алсаң - безнең өчен аңардан да зуррак бәхет булмас иде.

Кадерле картлык, ныклы сәламәтлек, хәерле озын гомерләр теләп, сине бик-бик яратып - 6 балаң, кияү-киленнәрең, 10 оныгың, 3 оныкчыгың.