Юллардагы бозлавык юл-транспорт һәлакәтенә китерергә мөмкин!

Юлларда бозлавык хөкем сөрә. Шуңа күрә дә, юл хәрәкәте иминлеге дәүләт инспекциясе хезмәткәрләре, аеруча да сак һәм игътибарлы булырга чакыра. Апаста "Газель" машинасының таеп китеп, туктап торган "җиделегә" барып бәрелү очрагы теркәлгән. Мондый күңелсез очракларның шаһиты булмыйк. Шулай ук Иске Йомралыда авыл эченнән чыккан "ундүртле" машинасы үзәк юлдан килүчегә юл бирмичә юл-транспорт һәлакәте ясаган. Нәтиҗәдә, машиналар төзекләндерү таләп итә. Руль артына утырган һәркем үзенең дә, тирә-юньдәгеләрнең дә иминлеге өчен җаваплы.