Аграр көллияттә әһәмиятле чара узды

Ул Бөтендөнья толерантлык көне уңаеннан оештырылды. Студентлар үзләренең тынычлык, иминлек яклы булуларын аңлатып, алдан әзерләнгән Җир шары макетына кәгазьгә төшерелгән кул рәсемнәрен ябыштырдылар. Кәгазьгә бер-берсенә матур теләкләр яздылар. Шулай ук үзәк китапханә белән берлектә “Кешелекне хөрмәт яшәтә“ исемле китап күргәзмәсе дә төзелде. Сәхнәдә “Кулга-кул тотыныйк, дуслар“ исемле чара үтте. Биредә милләтләр дуслыгы, төрле милләтләрнең гореф-гадәтләренә хөрмәт чагылыш тапты. Чыгышлар да дуслык, татулыкка өндәүгә багышланган иде.