Апастово-информ
  • Рус Тат
  • Апас аграр көллияттә зонакүләм семинар булып узды

    13нче июньдә аграр көллияттә зонакүләм семинар булып узды. Апас, Кайбыч, Буа, Чүпрәле, Тәтеш, Кама Тамагы районнарында эшләп килүче автомәктәп директорлары, инстукторлары өчен үткәрелгән әлеге семинар-укуны Буа районы буенча эчке эшләр бүлегенең регистрация-имтихан бүлекчәсе начальнигы полиция майоры Илдар Гыймалтдинов алып барды. - 1сентябрьдән машина йөртү таныклыгына имтихан тапшыру буенча үзгәрешләр кертелә....

    13нче июньдә аграр көллияттә зонакүләм семинар булып узды. Апас, Кайбыч, Буа, Чүпрәле, Тәтеш, Кама Тамагы районнарында эшләп килүче автомәктәп директорлары, инстукторлары өчен үткәрелгән әлеге семинар-укуны Буа районы буенча эчке эшләр бүлегенең регистрация-имтихан бүлекчәсе начальнигы полиция майоры Илдар Гыймалтдинов алып барды.

    - 1сентябрьдән машина йөртү таныклыгына имтихан тапшыру буенча үзгәрешләр кертелә. Кагыйдәләр буенча алдан ике хата ярый иде, хәзер бер хатага әлеге тема буенча биш сорау, ике хатага ун сорау, шулай ук өстәмә 10 минут вакыт өстәлә. Машина йөртү буенча өч элемент булса, яңача биш элемент үтәп чыгарга тиеш була. Менә шушы яңалыкларны аңлатыр, күрсәтер өчен бирегә директорларны, инструкторларны җыйдык. Безнең зонада 10 автомәктәп бар. Бүгенге көнгә аграр көллиятнең автодромы гына яңа таләпләргә туры килерлек итеп ясалган. Моның өчен директор Фаил Курамшинга, укытучы Рөстәм Мингазиевка, барлык хезмәткәрләргә рәхмәтебезне җиткерәбез,- диде ул. Автодромда яңа имтихан элементлары җиңел һәм йөк машиналары үрнәгендә күрсәтелде. Аннан кагыйдәләр буенча актлар залында аңлатылды, фильм карадылар. Кызыксынган сорауларга җавап бирделәр. Һәр автомәктәпкә дә автодромны яңача әзерләргә дигән таләп куелды. Семинар азагында Фаил Курамшинга, Рөстәм Мингазиевка Рәхмәт хатлары тапшырылды.

    Гүзәл Хилавиева

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: