Апастово-информ
  • Рус Тат
  • Апас алмагачлары һәм чәчәкләр суга сусамасын өчен

    Апас штп башкарма комитеты башлыгы Фәнис Шәрәфетдинов һәм район башкарма комитеты шоферы Раиль Имаметдинов Буа осталары казыган мини-артезианнан нибары 15 метр тирәнлектән чыккан күз яшедәй чип-чиста суны китапханә янәшәсендәге 50 кубометрлы махсус цистернага 10 сәгатьтә тутырдылар. Су бары тик алмагач бакчасы, хакимият каршындагы чәчәк бульвары ихтыяҗлары өчен генә кулланылачак. Сиптерү...

    Апас штп башкарма комитеты башлыгы Фәнис Шәрәфетдинов һәм район башкарма комитеты шоферы Раиль Имаметдинов Буа осталары казыган мини-артезианнан нибары 15 метр тирәнлектән чыккан күз яшедәй чип-чиста суны китапханә янәшәсендәге 50 кубометрлы махсус цистернага 10 сәгатьтә тутырдылар. Су бары тик алмагач бакчасы, хакимият каршындагы чәчәк бульвары ихтыяҗлары өчен генә кулланылачак. Сиптерү өчен аерым насос куелды.

    -Үзәк паркта да шундый ук тирәнлектән су чыкты, анда да зур су сыешлыгы, басым белән сиптерү насосы, тамчылы сугару системасы куюга әзерлек бара,-ди Апас "мэры". -Район Пенсия фонды, авыл хуҗалыгы идарәсе, ЗАГС каршындагы һәм Ленин урамындагы чәчәклекләрне сугару өчен дә шундый ук мини-скважиналар казылып, сугару системасын булдыру фикеребез бар. Район башлыгы Рәшид Заһидуллин бу турыда хәбәрдар һәм безгә бик теләп булыша. Барысы да барып чыкса, Апас урам су челтәрләренә, җирле бюджетка йөкләнеш нык кына кимиячәк.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: