Апас мәктәбе каршында оешкан җәйге лагерьда 100 бала ял итә

(25 июнь, “Апастово-информ”). 

Укучылар 4 отрядка бүленгән. Һәр көнне төрле чаралар планы булдырылган. 
Төрле сәяхәтләр, очрашулар, кичәләр, чаралар – бар да балалар күңеленә хуш килә. “Алга” яшүсмерләр клубына да алар теләп йөри. Биредә өлкәннәр белән бергәләп шашка-шахмат уеннарында да катнаштылар. 
“Хәтер көне билгеләп үтелде. Әкиятләр көне уздырдык. Бер көнне иминлек көне итеп билгеләдек. Спорт уеннары, мәдәни чаралар барысы да укучыларга ошый”, - ди Апас урта мәктәбенең директор урынбасары Эльвира Хикмәтова. 
Лагерь эше белән район башкарма комитеты җитәкчесе урынбасары Гөлүсә Галләмова да танышты. Ул эшчәнлекне югары бәяләде.