Апастово-информ
  • Рус Тат
  • Апас районында терлек азыгы хәзерләү бара

    Районыбыз хуҗалыкларында терлек азыгы хәзерләү тулы куәтенә бара. Авыл хезмәтчәннәре көнне-төнгә ялгап азык муллыгы өчен көрәшәләр. - Бүгенге көндә өч мең тонна печән хәзерләнде, 35800 тонна сенаж салынды. 16600 гектар күпьеллык үләннең 10 мең гектары печәнгә алынды һәм сенажга салынды. "Свияга" агрофирмасының дүрт бүлекчәсендә дә бу эшкә җаваплы карыйлар, тәүлек...

    Районыбыз хуҗалыкларында терлек азыгы хәзерләү тулы куәтенә бара. Авыл хезмәтчәннәре көнне-төнгә ялгап азык муллыгы өчен көрәшәләр.

    - Бүгенге көндә өч мең тонна печән хәзерләнде, 35800 тонна сенаж салынды. 16600 гектар күпьеллык үләннең 10 мең гектары печәнгә алынды һәм сенажга салынды. "Свияга" агрофирмасының дүрт бүлекчәсендә дә бу эшкә җаваплы карыйлар, тәүлек әйләнәсе эш тукталмый. Горбунов бүлекчәсе хезмәтчәннәре аеруча тырышлык күрсәтәләр. Бүгенге көндә биредә 14350 тонна сенаж хәзерләнде. Бу күрсәткеч Әлмәндәр бүлекчәсендә 5570 тонна, "Апас" бүлекчәсендә 4170 тонна, Йомралыда 4470 тонна, "Агроактив"та 3500 тонна, Ибраһимов хуҗалыгында 1500 тонна, "Табар"да 1240 тонна тәшкил итә. Кызу темплар белән эшләгәндә 25-26 июньгә сенаж салуны төгәлләргә исәплибез. Шушы чорга кадәр хәзерләнгән печән һәм сенажның сыйфаты барлык таләпләргә туры киләчәк, - ди район авыл хуҗалыгы һәм азык-төлек идарәсе җитәкчесе Ильяс Заһидуллин.

    Йомралы бүлекчәсенең Дүртиле бригадасында да сенаж салу тәүлек әйләнәсе туктамый. Төнге смена кичке алтыдан иртәнге алтыга кадәр дәвам итә. Прицеплы "КамАЗ" машиналарында Әсгать Шакиров, Илгизәр Кашафетдинов, Фиргать Салаватуллин, Илдар Өметбаев, Фәнис Яруллин кыр белән сенаж базы арасын бик җитез урыйлар. Аларның туктап сөйләшеп торырга да вакытлары юк. "Әйбәт ашаталар, техника гына җимерелмәсен", - диләр. Кайткан массаны "Амкадор"да Рамил Гашыйгуллин эттереп, Җәүдәт Сөнгатуллин "Фэнд" белән тыгызлап таптатып тора. Хисапчы Рәдис Хәмитов һәр рейсны төгәл язып бара.

    - Хәзер яшел масса 237 гектарлы күпьеллык үлән кырыннан кайта. Сыйфаты бик әйбәт. Бу төр терлек азыгын узган елгыдан артыграк хәзерлибез, мөмкинчелегебез бар, - ди идарәче Рәис Салихов.

    Хуҗалык бригадиры Дауд Хәмидуллин, куркынычсызлык бүлеге хезмәткәре Валерий Тихонов та азык хәзерләүчеләр янында даими булалар.

    - Егетләр бик тырыш бездә. Көндезге сменада хезмәт итүчеләребезне дә мактап туймаслык. Хамис Сибгатов, Илгиз Минһаҗетдинов, Евгений Драгунов, транспортчылар Фирдүс Миңнуллин, Рамил Вафин, Равил Абдуллин, Тәлгать Гарәфетдинов, Рафис Сафиуллин, Ленар Хәмидуллин, Мәсгуть Гарифуллиннар сменага 300 тоннага кадәр масса ташыйлар, - ди Дауд Хәмидуллин горурланып.

    Азыгың мул булса, тыныч кышларсың дип юкка гына әйтмиләр. Тәүлек әйләнәсе, булсынга дип тир түгүче авыл эшчәннәренә саулык, иминлек телим.

    Гөлзада Гатауллина.

    Автор фотосы.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: