Апас Сабан туенда – тарихи вакыйга

(13 июнь, “Апастово-информ”).

Район территориясендә әлеге зур инвестицион проектны "ТА Групп"җаваплылыгы чикләнгән җәмгыяте тормышка ашырачак. Аның нигезендә битум материалларының киң ассортиментын саклау һәм җитештерү өчен заманча автоматлаштырылган комплекс – битум терминалы төзү планлаштырыла.  Әлеге мөһим проект буенча район һәм предприятие җитәкчелеге арасында икеяклы килешү төзелде. Район башлыгы Равил Хисаметдинов һәм "ТА Групп"җаваплылыгы чикләнгән җәмгыяте генераль директоры Эмиль Алиев Сабан туе барышында тантаналы төстә икеяклы килешүгә кул куйдылар.