Апастово-информ

Апас районы

Рус Тат
Җәмгыять

Апаслылар чыршыларны кисәргә теләми

Яңа ел бәйрәмен купшы, "җем-җем" утлы урман чибәркәе - яшел чыршыдан башка гына күзаллавы кыен. Аны кем-каян ала, гомумән, кирәкме мондый бизәүле чыршы? Ришат Җамалиев. Илнар Гатауллин, Буа урманчылыгы җитәкчесе: - Чыршысыз Яңа ел була алмый инде - безнең урман хуҗалыгында сатуга дип чыршылар махсус үстерелә. Ә аларны урманнан законсыз...

Яңа ел бәйрәмен купшы, "җем-җем" утлы урман чибәркәе - яшел чыршыдан башка гына күзаллавы кыен. Аны кем-каян ала, гомумән, кирәкме мондый бизәүле чыршы?

Ришат Җамалиев.

Илнар Гатауллин, Буа урманчылыгы җитәкчесе:

- Чыршысыз Яңа ел була алмый инде - безнең урман хуҗалыгында сатуга дип чыршылар махсус үстерелә. Ә аларны урманнан законсыз кисеп, урлап кайтучыларга әйтер сүзебез шул - браконьерларга штрафлар 2500 сумнан башлана.

Зилә Дәүләтшина, Акхуҗа:

- Безнең гаилә табигатьне рәнҗетмәү яклы - менә инде җиденче ел рәттән өй түренә ясалма чыршы бизибез.

Фирдания Жамалиева, Дәвеш:

- Ферма терлекләренә хуҗалык урманда ылыс әзерләгәндә өйгә матур-куе 1-2 нарат ботагы алып кайтып эләбез, безгә шул да бик җиткән.

Константин Елизаров, Каратун:

- Урманчылар, сәүдәгәрләрнец чыршы-наратны үзләре алып килеп сатканын көтәм, базарда сайлап алу мөмкинлеге дә зур, кар ерып урманга да барасы түгел.

Илсур Гатиятуллин, Апас:

- Ә безнең урамда өй каршында үскән чыршыларны бизәү гадәте бар, матур утлар элгәч, аллы-гөлле аллеядан баргандай буласың, табигатьне, урманнарыбызны шулай саклыйбыз.

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев