Апаста Бард җырлары фестивале уза

(26 июль, “Апастово-информ”).

Бард җырлары ачык фестивале быел районыбызда өченче мәртәбә үткәрелә. Фестивальдә Бард җырларына, гитара, укулеле, барабан һәм башка музыка уен коралларына гашыйк булучылар катнаша. Быел әлеге матур фестиваль ике көн дәвамында -5нче һәм 6нчы август көннәрендә узачак.

Мастер-класслар, волейбол уеннары, учак янында җырлар, тәмле уха, Себерче авылына сәяхәт – барысы да бәйрәм программасына кертелгән.