Апастово-информ
  • Рус Тат
  • Апаста Әфганчылар көне билгеләп үтелде

    Әфганстан җиреннән Ватаныбызның соңгы солдаты чыкканга 31 ел булды.


     
    (Гүзәл Хилавиева, “Апастово - информ”). 



     
    Кайнар нокталарда хезмәт иткән кыю, батыр йөрәкле райондашларыбыз бүген бердәм булып очрашуга җыелды. Чара Батырлар мемориал комплексына веноклар кую, интернациональ бурычларын үтәгәндә һәлак булган солдатлар истәлегенә төзелгән һәйкәлгә чәчәкләр салу белән башланып китте. Хәтер чарасында катнашучыларны район башлыгы Равил Хисаметдинов сәламләде. “Хөрмәтле бәйрәм чарасында катнашучылар! Бүген без кайнар нокталарда хезмәт итеп, исән-сау туган якларына кайткан, шулай ук еракларда һәлак булган ир-егетләребезнең батырлыкларын искә алырга җыелдык. Апас районыннан да кайнар нокталарга 225 егет Ватан каршында хәрби бурычын үтәргә киткән, шуларның 6 сы һәлак булган. Киләчәктә дә сугышлар булмасын, тынычлыкта бердәм һәм бергә булып яшик һәм эшлик”, - диде район башлыгы. 
    Бәйрәм чарасы аграр көллияттә мул-сыйлы табыннар артында дәвам итте. Биредә Медальләр һәм рәхмәт хатлары, бүләкләр тапшырылды.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: