Апаста пожар булган

Апаста бер мунчага ут кабуы мәгълүм була. Вакытында күрүләре һәм янгын сүндерүчеләрнең тиешле вакытта килеп сүндерүләре нәтиҗәсендә зур зыян килми кала. Соңгы вакытта кабатланган өч янгын очрагында да электр сәбәпче булып тора. "Көннәр җылы, өй түбәләрен кар баса, кыеклардан су үтә. Ә бу электр чыбыкларын зарарлый яки өзә. Шуңа күрә дә сак булыгыз, карларны вакытында төшерегез, электр чыбыкларын контрольдә тотыгыз, искеләрен яңага алмаштырыгыз", - ди район янгын күзәтчелеге бүлеге җитәкчесе Илдар Вәлиев.