Апаста Үзәк китапханә коллективы 2016 елны зур сөенеч белән каршылый

Татарстан Президенты һәм Россия дәүләт программаларына үтеп, быел Апаста Үзәк китапханә бинасын җылытып ясалма мәрмәр белән тышлау төгәләнде. Тәрәзә, эчке коммуникацияләр тулаем яңартылгач, бинаның ике каты да җылы һәм коры. Бинаның башы алыштырылганчы бирегә һәр яңгырдан соң су үтә иде. Инде хәзер түбә-стеналар да кипте, китапханә эчендәге тынчу һава исе дә юкка чыгып килә. Төзүчеләр китапханәнең керү урыны, баскычларын да яңартачаклар.

-Әдәбият елында шундый зур бүләк алуыбызга без бик шат,-ди ди коллектив җитәкчесе Гөлчәчәк Ахманова.