Апастан махсус хәрби операциядә катнашучыларга чираттагы йөк 3 июльдә китәчәк

(24 июнь, “Апастово-информ”).
Әлеге хәбәрне ишеткәч, иң беренчеләрдән булып, Апаста яшәүче Рәмис һәм Тәгъзимә Ногмановлар гаиләсе азык-төлекләр җыелмасы алып килде.
Күп кенә хезмәт коллективлары акчалата да ярдәм итә. Теләгендә булган һәр кеше акчалата күчерә яки “Алга” яшүсмерләр клубында урнашкан гуманитар ярдәм җыю пунктына китерә ала.
«Алга» яшүсмерләр клубында озак саклана торган азык-төлек, җылы кием-салым, дарулар һәм шәхси гигиена әйберләре кабул ителә. Шулай ук ярдәмне акчалата да 2200 5301 9339 6843 (Ак Барс Банк картасы номеры) счетына күчерергә мөмкин.