Апастово-информ
  • Рус Тат
  • “Балтай” тернәкләндерү Үзәгендә дәвалану курсы үтүче 24 кешегә аерым концерт куйдылар

    Район Мәдәният йорты хезмәткәрләре "Мәрхәмәтле Татарстан" акциясе кысаларында узган атнада "Балтай" тернәкләндерү Үзәгендә дәвалану курсы үтүче 24 кешегә аерым концерт куйдылар. Тавыш режиссеры Рөстәм Зиннәтуллин, осталыгын, үзебезнең сандугачларыбыз-Рамилә Вавилова, Гөлнара Галиакберова һәм Гөлия Сәлахетдинова, дөньякүләм атаклы балерина Анна Павлованы да уздырып биюче Регина Мөхетдинова чыгышларын биредә шифа алучы өлкәннәр алкышларга...

    Район Мәдәният йорты хезмәткәрләре "Мәрхәмәтле Татарстан" акциясе кысаларында узган атнада "Балтай" тернәкләндерү Үзәгендә дәвалану курсы үтүче 24 кешегә аерым концерт куйдылар. Тавыш режиссеры Рөстәм Зиннәтуллин, осталыгын, үзебезнең сандугачларыбыз-Рамилә Вавилова, Гөлнара Галиакберова һәм Гөлия Сәлахетдинова, дөньякүләм атаклы балерина Анна Павлованы да уздырып биюче Регина Мөхетдинова чыгышларын биредә шифа алучы өлкәннәр алкышларга күмделәр.

    - Татарстан Министрлар Кабинеты Карары буенча безнең Үзәк хәзер республикакүләм дәрәҗәле, ди апаслылар телендә Балтай "курорты" җитәкчесе Гөлшат Гыйбадуллина. -Бер заездда без 24 пациент кабул итәбез Хәер безгә Буа, Тәтеш, Кама Тамагы, Кайбыч районнарынан да урындагы халыкны социаль яклау идарәләре юлламасы белән һәр айда унлап кеше килә. 15 көнлек дәвалану курсында табиб күрсәтмәләре буенча 15 төрле процедура каралган. Хәзер безнең үз табибыбыз бар-терапевт, киң профильле белгеч Айрат Рәхмәтуллин һәр кеше белән аерым эшли.

    - Безнекеләрне сөендәргән үз артистларыбызга рәхмәт,-ди Үзәк җитәкчесе. -Үзебез дә тик ятмыйбыз анысы-яңа гына Габдулла Тукайның 130 еллыгына "Язлар безгә Тукай белән килә" исемле бик матур шигырь кичәсе үткәрдек. Аннан район мәдәният бүлеге белгечләре кино куеп киттеләр. Тирә-юнебезне ямьләндерү максатында "Яшел шимбә" дә бездә сәламәтлеген ныгытучы һәркем агач утырту өмәсендә катнашты. Күпләр "тагын киләбез әле, истәлек агачым тәмам тармакланганчы суын сибеп, кадерләп үстерәчәкбез",-дип теләк теләде. Мондый "яшел шимбәләр бездә ел да үтә. Балтай урман питомнигы директоры Фиргат Каюмов андый чакларда безгә бик булыша. Авырудан, картлыктан дәва эзләп безгә килүчеләр район хакимияте бүләкләре-кедр мичкәсе, аерым прибор белән аякларга масаж ясаучы кызларыбызга алдан чиратка языла.

    -Мондагы аппаратлар безнең "Бәкер" курортында да юк. Табигатегез, кешеләрегез бик матур һәм эчкерсез, Балтай "курорт"ын бик ошаттык, кайткач башкаларны да бирегә дәваланырга килергә кодалыйбыз әле,-диделәр миңа 600 чакрым юл үтеп Лениногорск якларыннан ук килгән Асия Насыйбуллина белән Рузалия Кадыйрова. Казанлы Хәбирә Кашапова да бүлмәдәш дусларының сүзләрен күәтләде.

    28 апрельдән башланучы заезда Балтай апаслыларны гына кабул итәчәк. Бөек Ватан сугышы һәм тыл ветераннары, аларның тол калган хатыннары белән беррәттән Чернобыль вакыйгаларында катнашучылар 15 көн биредә сәламәтлеген ныгытачак.

    Директор белән әңгәмәбезгә биредә дәвалаучылар янәдән кушылды. Апастан ирле-хатынлы Тәүфик һәм Флера Садыйковлар, Балтайдан Хәсән һәм Рузия Хантимеровлар, Борнаштан Искәндәр Вәлиәхмәтов, Күкшемнән Әгъзам Садыйков, Морзалардан 83 яшьлек Мәнзүмә Галимова бер-берсен бүлдерә-бүлдерә Үзәк табиблары, шәфкать туташларына рәхмәт укыды. Ә рәхмәт ишетәсе һәркемгә рәхәт. Тик аны ишетү өчен тырыш эшең аша халык мәхәббәтен дә яулый белергә кирәк һәм бу сыйфатка коллективтагы 14 белгечнең һәркайсы ия!

    Ришат Җамалиев.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: