Биеш мәктәбе спорт залында районкүләм волейбол ярышлары башланды

(27 февраль, “Апастово-информ”). 

Зөфәр Зәмдиханов Кубогына волейбол ярышлары быел 9нчы мәртәбә үткәрелә. Быел уеннар тәртибенә азрак үзгәрешләр кергән. Алдагы елларда кызлар да, егетләр дә үзара уйнаса, быел бер командага өч кыз һәм өч егет берләшкән. Бу хакта директор үзе хәбәр итте. 
“Киләсе ел мәктәбебездә районкүләм волейбол уеннарының юбилей елы. Бу уңайдан уеннарны зонакүләм үткәрергә планлаштырабыз һәм башка районнарны да җәлеп итәргә телибез”, - ди ул үзе. 
Ярышларны ачу тантанасында район башлыгы урынбасары Ленар Хантимиров та катнашты. Ул балаларга гадел җиңүләр теләде.