Биештә волейбол ярышлары узды

Апастово-информ, 3 декабрь 2019 - 09:46

853

Бөтендөнья СПИД-ВИЧ көне уңаеннан кичә Биеш мәктәбе спорт залында аның директоры Зөфәр Зәмдиханов инде сигезенче тапкыр оештырган волейбол турниры узды.

Үзе дә спорт җанлы иганәче директор Зөфәр Зәмдиханов бу ярышларда 15 команда катнашуын хәбәр итә. Аның иң беренчесендә нибары 3 кенә команда катнашкан иде. Чираттагы турнирны ачу тантанасында район башкарма комитеты җитәкчесе Алмаз Гыйбадуллин һәм Зөфәр Зәмдихановның күпсанлы дуслары катнашты. Җиңүчеләр турында тулырак язма-“Йолдыз“ битләрендә.