Болын - Балыкчы өлкәннәре яшьлекләрен искә алдылар

(10 нчы октябрь, “Апастово - информ”).

  Районыбызның һәрбер мәдәният йортында, китапханәләрдә өлкәннәр өчен төрле кичәләр, очрашулар уза. Болын-Балыкчы авылы мәдәният йорты хезмәткәрләре китапханә белән берлектә өлкәннәрне кунакка чакырдылар.
  “Иң элек бәйрәмне үзебез башлап җибәрдек. Өлкәннәребез дә яшҗлекләрен искә алып җырладылар, биеделәр, шаян шигырьләр сөйләделәр, уеннарда катнаштылар. Бик күңелле булды. Ил-көннәребез тыныч булып, шундый шатлыклы бәйрәмнәрдә генә катнашырга язсын!”, - диде мәдәният йорты җитәкчесе Ләйсән Җәләлиева.