Апастово-информ
  • Рус Тат
  • Быел Апас районы мәктәпләренең 9 сыйныфын 238 укучы тәмамлый

    Районда дәүләт сынау имтиханнары үткәрү буенча муниципаль координатор, район мәгариф бүлеге белгече Ирина Хураськина: - Быел 9 сыйныф тәмамлаучылар өчен төп дәүләт имтиханнарын тапшыру тәртибе 11 сыйныфларда БДИ тапшыру дәрәҗәсенә якынлашачак, - дип белдерде. Гадирәк итеп әйткәндә, 9 сыйныфтан соң укучы төп фәннәр-рус теле һәм математика буенча имтихан бирә, татар...

    Районда дәүләт сынау имтиханнары үткәрү буенча муниципаль координатор, район мәгариф бүлеге белгече Ирина Хураськина:

    - Быел 9 сыйныф тәмамлаучылар өчен төп дәүләт имтиханнарын тапшыру тәртибе 11 сыйныфларда БДИ тапшыру дәрәҗәсенә якынлашачак, - дип белдерде.

    Гадирәк итеп әйткәндә, 9 сыйныфтан соң укучы төп фәннәр-рус теле һәм математика буенча имтихан бирә, татар теленнән тест үтә. ТДИ тапшыручы 9 сыйныф укучысы киләчәктә үзенә нинди уку йорты, һөнәр сайлавына карап профильле фән буенча имтихан төрен үзе билгеләргә хокуклы. Аны уңышлы тапшырса, бу белгечлек буенча профильле 10 сыйныфта урта белем алуын дәвам итә яки аерым юнәлешле көллият, техникумга укырга документларын илтә. Ә бу юнәлешләр бик күп: физика-математика, социаль-гуманитар, икътисад, химия-биология белгечлеге, төзелеш, авыл хуҗалыгы, техника, медицина, химия, авиация, юриспруденция... - кыскасы, барысы да аның ихтыярында. 11 сыйныф яки көллият-техникум тәмамлаучы да күңеленә хуш килгән югары уку йортын сайлаганда профильле фәннәр буенча БДИ имтиханнары бирә. Яшь кешенең үз мөмкинлекләрен, укуга сәләтен, үзенә туры килгән башлангыч, урта яки махсус һөнәри көллият-техникум, югары уку йорты, киләчәк һөнәрен 9 сыйныфта ук күзаллавы бик мөһим.

    Бөтен кеше дә вундеркинд, гений булып тумый. Һәркем тормышта үз урынын үзе эзли һәм таба, һөнәр сайлый. Ялгышмагыз һәм бөтенесен төптән уйлагыз!

    Язып алды - Ришат Җамалиев.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: