АПАС ЧӘКЧӘГЕ ТӘМЛЕРӘК

Апас җәмәгать туклануы җәмгыяте хезмәткәрләре Ф.Кадыйрова, Г.гыймадиева, Ф.ГалиуллинаЧүпрәле районында уздырылган "Татар халык ашлары" республика бәйгесенең зона турында катнашты. Биредә районның кондитер-милли ашлар цехларында, икмәк комбинатларында җитештерелгән продукциядән төзелгән тәм-том, аш-су күргәзмәсе мәртәбәле жюри тарафыннан II урынга лаек дип табылды.

Чираттагы иртәнге район киңәшмәсендә район башлыгы Рәшид Заһидуллин Апас җәмәгать туклануы җәмгыяте җитәкчесе Гөлнара Гыймадиевага Диплом, бәйгенең көмеш медале һәм акчалата премия-грант тапшырды. Апаслылар "Татар халык ашлары" республика кулинария бәйгесенең Казанда үтәчәк финал ярышларында да сынатмаячакларына ышаныч белдерде.